تــــــــتـــــــــــجوزيني...!!
إبداعات شرقية
عزيزى الزائر او العضو الكريم
الرجاء اضغط على تسجيل لتسجيلك السريع فى الموقع
او اضغط دخول اذا كنت مسجل قبل ذلك عضو فى المنتدى
مع خالص تحيات
ادارة المنتدى
الرئيسيةالرئيسية  مكتبة الصورمكتبة الصور  التسجيلالتسجيل  دخولدخول  
");
ابداعات شرقيه
    اسم الموضوع: طرق تنظيف الثلاجةأمس في 19:54 من طرفسجيات    اسم الموضوع: مشروع "بنك المعرفة المصري" Egyptian Knowledge Bank- EKB أكبر مصادر المعرفة على الإنترنتالسبت 21 أكتوبر 2017 - 10:26 من طرفmr.ayman2000    اسم الموضوع: مشروع "بنك المعرفة المصري" Egyptian Knowledge Bank- EKB أكبر مصادر المعرفة على الإنترنتالسبت 21 أكتوبر 2017 - 10:24 من طرفmr.ayman2000    اسم الموضوع: شرح وحل 23 قطعة نحو للمرحلة الاعدادية للعام 2018 على فيديو تعليمىالسبت 21 أكتوبر 2017 - 10:21 من طرفmr.ayman2000    اسم الموضوع: شرح وحل 23 قطعة نحو للمرحلة الاعدادية للعام 2018 على فيديو تعليمىالسبت 21 أكتوبر 2017 - 10:01 من طرفmr.ayman2000    اسم الموضوع: مشروع "بنك المعرفة المصري" Egyptian Knowledge Bank- EKB أكبر مصادر المعرفة على الإنترنتالسبت 21 أكتوبر 2017 - 9:55 من طرفmr.ayman2000    اسم الموضوع: مشروع "بنك المعرفة المصري" Egyptian Knowledge Bank- EKB أكبر مصادر المعرفة على الإنترنت السبت 21 أكتوبر 2017 - 9:49 من طرفmr.ayman2000    اسم الموضوع: مشروع "بنك المعرفة المصري" Egyptian Knowledge Bank- EKB أكبر مصادر المعرفة على الإنترنت السبت 21 أكتوبر 2017 - 9:41 من طرفmr.ayman2000    اسم الموضوع: تخلص من الصراصير دون مبيدات سامةالخميس 19 أكتوبر 2017 - 19:50 من طرفسجيات    اسم الموضوع: اسهل طرق التخلص من الصراصيرالثلاثاء 17 أكتوبر 2017 - 11:59 من طرفسجيات    اسم الموضوع: شركة التنظيف المشرق للخدمات المنزليةالجمعة 13 أكتوبر 2017 - 19:04 من طرفخالدعلي    اسم الموضوع: شركة فارس المستقبل للخدمات المنزليةالجمعة 13 أكتوبر 2017 - 18:37 من طرفخالدعلي    اسم الموضوع: شركة ضي الرحمن لكشف التسربات و تسليك المجاري 0550171619الجمعة 13 أكتوبر 2017 - 18:11 من طرفخالدعلي    اسم الموضوع: شركة التنظيف المشرق للخدمات المنزليةالأحد 8 أكتوبر 2017 - 0:14 من طرفخالدعلي    اسم الموضوع: شركة فارس المستقبل للخدمات المنزليةالأحد 8 أكتوبر 2017 - 0:00 من طرفخالدعلي    اسم الموضوع: شركة تنظيف بالدمام 0550171619السبت 7 أكتوبر 2017 - 23:36 من طرفخالدعلي    اسم الموضوع: علوم للصف السادس الابتدائى الترم الاول 2017 الوحدة الثانية الطاقة الحرارية الدرس الثانى قياس درجة الحرارةالسبت 7 أكتوبر 2017 - 18:07 من طرفedification4    اسم الموضوع: علوم للصف السادس الابتدائى الترم الاول 2017 الوحدة الثانية الطاقة الحرارية الدرس الثانى قياس درجة الحرارةالسبت 7 أكتوبر 2017 - 18:05 من طرفedification4    اسم الموضوع: علوم للصف السادس الابتدائى الترم الاول 2017 الوحدة الاولى القوى والحركة الدرس الاول الكتلةالجمعة 6 أكتوبر 2017 - 15:56 من طرفedification4    اسم الموضوع: علوم للصف السادس الابتدائى الترم الاول 2017 الوحدة الاولى القوى والحركة الدرس الاول الكتلةالجمعة 6 أكتوبر 2017 - 15:55 من طرفedification4    اسم الموضوع: نصائح للتّنظيف الأربعاء 4 أكتوبر 2017 - 10:53 من طرفسجيات    اسم الموضوع: سجلات اخصائى المكتبات كاملة وشاملةالثلاثاء 3 أكتوبر 2017 - 17:29 من طرفقرقام    اسم الموضوع: تنظيف المفروشات بمواد تنظيف مخصصةالإثنين 2 أكتوبر 2017 - 18:46 من طرفسجيات    اسم الموضوع: سجلات الاخصائى الاجتماعة المرحلة الابتدائية كاملة وشاملةالإثنين 2 أكتوبر 2017 - 6:21 من طرفramez_0000    اسم الموضوع: نماذج امتحانات الوزارة فى الرياضيات للصف الثالث الابتدائى الترم الاول السبت 30 سبتمبر 2017 - 17:02 من طرفashrf64

شاطر | 
 

 تــــــــتـــــــــــجوزيني...!!

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
 
 avatar
 
{..saged3r..}
عضو لامع
عضو لامع

مراقب عام
البلد : مصر
ذكر
المهنة :
الهواية :
المــــــزاج :
البرج : الحمل
عدد المساهمات : 2035
عدد نقاط المسابقة : 2971
اقدمية العضو : 5
تاريخ التسجيل : 03/12/2010




مُساهمةموضوع: تــــــــتـــــــــــجوزيني...!!   الجمعة 23 سبتمبر 2011 - 3:32






دى
حكايه كل شباب انهارده .. حنشوفها في شخص ميزو الطالب الجامعي المتخرج
من 4 سنين من تجارة قسم مخدرات .. و حبيبته سمسمه, بكالوريوس هندسه قسم (
كهربه أفراح ) !

ميزو تتجوزيني ؟
سمسمه ـ أفندم ؟
ميزو ـ بقولك تتجوزيني ؟
سمسمه ـ !!!!!
ميزو ـ تتجوزيني ؟
سمسمه ـ لا !
ميزو ـ ليه ؟
سمسمه ـ بصراحة كدة شكلك مش عاجبني ..
ميزو ـ إزاي يعني ؟
سمسمه ـ يعني .. أصل أنا ليا مواصفات معينة لفارس أحلامي .
ميزو ـ مواصفات معينة ؟ .. هو انتي هتتجوزي عربية ؟
سمسمه ـ لا ! .. بصراحة كدة .. إنت مش فارس أحلامي اللي باتمناه !


*****

ميزو ـ تتجوزيني ؟
سمسمه ـ إيه ده ؟ شكلك اتغير !
ميزو ـ إيه رأيك ؟
سمسمه ـ واو .. شعرك بقة ناعم ! .. دي باروكة ؟
ميزو ـ أيوة
سمسمه ـ ودي عدسات خضراء ؟
ميزو ـ أيوة
سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
ميزو ـ مين عباس كيج ده ؟
سمسمه ـ عباس ؟!! ياي .. إيه عباس دي ؟ اسمه نيكولاس ..
ميزو ـ مين نيكولاس ده ؟
سمسمه ـ بقة مالكشي في السيما وجاي تكلمني ؟ .. ياي !


*****

ميزو ـ تتجوزيني ؟
سمسمه ـ انت لسة ليك عين تكلمني ؟
ميزو ـ أيوة .. أنا عرفت مين بنكرياس كيج ده
سمسمه ـ أولاً : اسمه نيكولاس كيج ..
ميزو ـ أيوة أيوة .. كنت هاقول اسمه صح .. بس اختصرته .. ده ممثل
سمسمه ـ ممثل إيه ؟
ميزو ـ ممثل أمريكاوي
سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش
دونكي

ميزو ـ دونكي دي تبقى شتيمة ؟
سمسمه ـ أوف كورس


*****

ميزو ـ تتجوزيني ؟
سمسمه ـ عندك عربية موديل كام ؟
ميزو ـ موديل دي تبقى شتيمة ؟


*****

ميزو ـ تتجوزيني ؟
سمسمه ـ قوللي الأول .. حاطط أنهي نغمة في الموبايل بتاعك ؟
ميزو ـ نغمة دي تبقى شتيمة ؟


*****

ميزو ـ تتجوزيني ؟
سمسمه ـ ما قلتليش .. إنت بتشتغل إيه ؟
ميزو ـ أنا -بلا فخر- عاطل
سمسمه ـ عاطل ؟ .. ياي ! ..
ميزو ـ مش أحسن من اللي ما بيشتغلش ؟
سمسمه ـ لا
ميزو ـ يعني مش هتتجوزيني ؟
سمسمه ـ لا يا ميزو
ميزو ـ كدة أنا أزعل
سمسمه ـ ما تزعلش يا بابا .. خليك فريش
ميزو ـ ماشي .. ماشي .. بس قوليلي ..
سمسمه ـ إيه ؟
ميزو ـ فريش دي تبقى شتيمة ؟


*****

ميزو ـ تتجوزيني ؟
سمسمه ـ لقيت شغل ؟
ميزو ـ أيوة طبعًا .. سنتين وأنا بادور .. أخيرًا لقيت ..
سمسمه ـ وإيه هو ؟
ميزو ـ سواق تاكسي .
سمسمه ـ ياي ! .. مش مكسوف وانت بتقولها ؟
ميزو ـ فيها إيه ؟ العمل شرف .. وكلها كام سنة وأجمع مبلغ كويس ..
سمسمه ـ شرف ؟ جتك القرف !


*****

ميزو ـ تتجوزيني ؟
سمسمه ـ جمعت مبلغ كويس ؟
ميزو ـ طبعًا .. مبلغ كبير جدًا ..
سمسمه ـ قد إيه يعني ؟
ميزو ـ ألف جنيه
سمسمه ـ نعم ؟!!! .. ألف جنيه دول تروح تسرح بيهم ببطاطا ..
ميزو ـ يعني موافقة ؟
سمسمه ـ روح اتنيل .


*****

ميزو ـ تتجوزيني ؟
سمسمه ـ عندك شقة ؟
ميزو ـ طبعًا .. أودة على السطوح ..
سمسمه ـ نعم ؟!! ..
ميزو ـ إيه المشكلة ؟! .. أحسن ما ننام في الشارع !
سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة
.
ميزو ـ طيب .. كلها كام سنة وأجيبلك أحسن شقة في الدنيا .
سمسمه ـ وهتجيبها في جاردن سيتي ولا في الزمالك ؟
ميزو ـ لا .. في الأهلي .. هيهع هيهع هيهع !


*****

( بعد سنوات) :

ميزو ـ تتجوزيني ؟
سمسمه ـ جبت الشقة ؟
ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
لسبع سنوات .. لكن المهم إنها جات ..
سمسمه ـ فانتاستيك
ميزو ـ بس الشقة ناقصة حاجة .
سمسمه ـ إيه هي ؟
ميزو ـ مفيهاش حمام !
سمسمه ـ امشي من قدامي ! .. مش طايقاك !


*****

ميزو ـ تتجوزيني ؟
سمسمه ـ إنت تاني ؟
ميزو ـ جبتلك حمّام إنما إيه
سمسمه ـ خليه ينفعك
ميزو ـ ليه بس ؟ .. ده ينفع لينا احنا الاتنين
سمسمه ـ وأنا مالي ؟
ميزو ـ مش عاجبك .. مش مشكلة .. أكتبه باسمك


*****

(بعد سنين) ..

ميزو ـ هتتجوزيني ولا أولع فيكي ؟
سمسمه ـ ومالك محروق كدة ؟
ميزو ـ حكايتنا طولت قوي .. طولت أكتر من اللازم
سمسمه ـ أوكي .. بس ممكن أعرف حاجة ؟
ميزو ـ إيه ؟
سمسمه ـ إنت ليه متمسك بيا أوي كدة يا مزمز ؟
ميزو ـ أصل .. أصل ..
سمسمه ـ أصل إيه ؟
ميزو ـ أصل أنا بحُبك (بضم الحاء) !
سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..
وبعدين خليك روش وقول : I love you

ميزو ـ ماشي .. بس قوليلي ..
سمسمه ـ نعم ؟
ميزو ـ روش دي تبقى شتيمة ؟


*****

ميزو ـ تتجوزيني ؟
سمسمه ـ بصراحة .. في حاجة كنت عاوزة أقولهالك من زمااااااان يا ميزو .
ميزو ـ إيه ؟
سمسمه ـ أنا بصراحة .. مش شايفة إن في حد في العالم يستاهلني
ميزو ـ يا سلام ! .. ليه ؟
سمسمه ـ عشان أنا جميلة .. خفيفة الدم .. رشيقة .. رقيقة ..
ميزو ـ رقيقة ؟! .. ده انت بدأتي تقشفي
سمسمه ـ فشر !
ميزو ـ فوقي لنفسك .. العمر بيجري ..
سمسمه ـ أنا مصرة على رأيي
ميزو ـ يعني إيه ؟
سمسمه ـ يعني اقطع معايا
ميزو ـ بعد كل السنين دي ؟! .. بعد كل الحب ده ؟!!
سمسمه ـ بلاش تراجيديا من فضلك
ميزو ـ ماشي .. بس قبل ما أمشي عاوز أسألك سؤال واحد بس ..
سمسمه ـ إيه هو ؟
ميزو ـ تراجيديا دي تبقى شتيمة ؟


*****

( بعد سنوات ) ..

ميزو ـ تتجوشيني ؟
سمسمه ـ إيه ؟
ميزو ـ تتجوشييينييييييي ؟
سمسمه ـ إنت مين ؟
ميزو ـ أنا حبيبك يا هبلة .. البشي النضارة عشان تشوفيني
سمسمه ـ طيب شاعدني عشان ألاقي النضارة
ميزو ـ آهي على الترابيزة قدامك
سمسمه ـ فين ؟!!
ميزو ـ لا دي نظارتي أنا
سمسمه ـ أيوة لقيتها ..
ميزو ـ البشيها بقة
سمسمه ـ ططييبب
ميزو ـ عينيكي فوق شوية يا سماسم .. ده بقك ..
سمسمه ـ طيب لبشهالي إنت
ميزو ـ عقبال ما البشك الدبلة
سمسمه ـ ما تكشفنيش يا ميشو بقي .. كنت بتقول إيه بقى ؟
ميزو ـ كنت بقول تتجوشششيييينيييييي ؟
سمسمه ـ أكوشك ؟ .. إزاي ؟
ميزو ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
سمسمه دي شتيمة ؟
ميزو لاااااء .. بقولك تتجوشيني ؟
سمسمه ـ آه !! .. أجوشك
ميزو ـ بالضااااابط .. هاه ؟
سمسمه ـ شيبني أفكر
ميزو ـ أشيبك تفكري ؟! .. ده انت هتموتي خلاش !
سمسمه ـ لا .. شيبني أفكر بش
ميزو ـ ربنا يوفقك
سمسمه ـ إيه ؟
ميزو ـ ربنا يوفقك
سمسمه ـ بتقول إيه ؟
ميزو ـ ربنا ياخدك


*****

(على فراش الموت) :

ميزو ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
تتكوشـ .. كوح كوح .. يني ؟
سمسمه ـ مش شامعة
ميزو ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
سمسمه ـ أجوش مين ؟!!!
ميزو ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
سمسمه ـ إيه ؟ ..
ميزو ـ لا .. كوح .. أبدًا .. كوح .. كنت … كح كح .. بأكح
سمسمه ـ كنت بتكح ؟!!!! .. شلامتك .. ما قلتليش ليه ؟
ميزو ـ هو .. كوح .. إنتي .. لشة .. عارفـ .. ـة .. كوح كوح
سمسمه ـ بتقول إيه ؟
ميزو ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟
سمسمه ـ أجوشك ؟!! .. طب بش خد الدوا الأول
ميزو ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
سمسمه ـ أيوة يا حاج .. موافقة .. موافقة إنك تتكوشني ..
ميزو ـ أخيـ….كوح كوح ..راااااً !! .. كوح كوح .. كدة أموت .. كوح ..
كوح .. وأنا .. كوح .. مطمئن ومرتاح .. الودااا .. كوح ..ع ع ع ع
سمسمه ـ يا حاج .. يا حاج ..
لاااااااااااااااااااااااا ا

{.... توقيع saged3r ....}

=======================================





كل الناس____ف الدنيا____ب تختلف عن بعض

ف الشكل______اللغة______ف الطبع_____ف حجات كتييييييير

ايلا الناس اللي ف حياتي _____انااااااااااااااااااااا

كلهم للاسف_______ف الاخر______زاي بعض

اللهم اكفني شر الناس_____كل الناس

لست مجبراااااااااا ان يفهم الاخرون من

اناااااااااااااااا (انسان مغلق؟؟؟!!!للصيانه)______ساجد
 

تــــــــتـــــــــــجوزيني...!!

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
إبداعات شرقية :: 
الاخبار والصحافة والاعلام والادب
 :: الاخبار العام :: اخبار مضحكة
-


جميع الحقوق محفوظه لمنتديات ابداعات شرقية ©abda3tsharkia.comتصميم وتطوير ابن الاسلام منتديات احلى ستايل alt=الرئيسيه | التسجيل |مراسلة الادارة |احصائيات | الاعلى